Minggu, 27 Desember 2015

Pappasang Tau Toa



 
Langere' baji'-bajiki anne ana', pantamai ri lalang atinnu, nanu gaukangki... Teako attinroi punna tena natangkasa' kalennu siagang atinnu. Teako a'jappai punna tena nuboliki katallassannu ri patanna linoa. Anjo kakodianga a'rurungangi kabajikanga. Ikatte mami ammilei kerea ero' ri pinawang... Su'jukku teai ulunna bawang, pasu'juki atinnu siagang akkala'nu. Tena ruanna, tena singkammanna Karaeng Allah Ta'ala. Nu angkaki limannu nanu lappassang anne cinnanu rilinoa. Saba' niami Karaeng Allah Ta'ala antayangko nanu sa'bumi KalompoanNa.... Je'ne Sambayang anjari pa'bissa kalennu. Zikkiri anjari pa'bissa atinnu. Tafakkoro'nu anjari pa'bissa pikkirannu. Sukkuru' na ikhlaska anjari pa'bissa cinnanu rilinoa. Sa'bara anjari pa'bissa kalarroannu.... Manna Ronrong linoa, gesara' butta maraeng, Tu Mangkasaraka Abulo sibatang tonji, accera' sitongka-tongka tonji..

Le'ba kusoronna biseangku, kucampa'na sombalakku, tamassaile punna teai labuang Ku alleangi tallanga na toalia Eja pi nikana doang.. Teai mangkasara' punna bokona loko' Oe ana’ku… a’ngu’rangiko, nia’ antu tallu cappa (cappa Lila, cappa Kabura'neannu na cappa badi') nuerang, Punna joengko ri bori maraeng, jagai baji-baji' tallu cappaka. I kau assawala iyareka su'lu, battu rikauji antekamma gio'nu siagang tallu cappa' nueranga. Manna Intang Balla'nu, Bulaeng Co'corannu, tamanaika ka iratei la'baku.. La'baku sibungkeng. Pa'risikku sikapoyang. Je'ne matangku ma'solong si lepa-lepa... Sa’ribattangaji tojeng . Iyaji kalli majarre'. Pindu cikali.
Naempoi ranggasela... Apayya kau nupasang Punna nakku' ri amma'nu. Inakke iya Anginga punna lammiri'... Punna bokomo lampaku Teako rampea' kodi Rampea' golla Nakurampeko kaluku... Bulu' Lompobattammo anjo cini Ti’rinna bawakaraeng Iya tea gio Iya tena ta’lenggang-lenggang... Niaka' anne mammempo Angngerang kasi asiku Saba' nia'na Hajjakku lakupabattu.... Kamase-mase kuerang Taddongko rimangko kebo' Naki'minasa Nipaempo kalabbirang... Apa nikanre ri anja Nikaddo ri padatari Sambayangiya Puasa sibulangiya...

6 komentar:

  1. tena memang na sala batena appadongko' bahasa tau toaya riolo.. ikatte mami kamma kamma anne massing ampima'gai apa anjo rurunganna.. apalagi jai pappasanna yang bernuansa hakikat..

    BalasHapus
  2. kurang mi ampakei pappasang tau toa riolo ta nasaba sipaggang mami nia ero ampakainga nikanayya pappasang tau toa..terima kasih atas pappakainga ta

    BalasHapus
  3. Tabe' karaeng. ..kibalia ampakasingaraki nia anne pappasang..
    Nai kira2 tau ampasuluki...
    Tabe' karaeng. ..

    BalasHapus
  4. Le'ba kubacana pappasanga na nia se're pangngukrangingku mae ritautoaku iami injo nakana rinakke "Manna baju kakkrak anne kupake nak ingka cini sai ka tena narakmasak"

    BalasHapus
  5. Subhanallah....a'boya kabajikang nakanre sitaung laloa siagang labattu na niya' 1 lammantang ri atinta'...mingka niya' tunayya tukamase-masea

    BalasHapus
  6. Kaminangbajikna tawwa nangaia di sate pappasang tau toa, mingka rikamma kammaya Anne , tau toata jaianggangi nakaluppaimi Kana pappasang tau toa, sanna saggaku anciniki tau toa rioloa ,kade' jammang Kulle di paunduru , sanna erokku Mae RI jammanna jaina RI langgere pappasang tau toa T_

    BalasHapus

'' TERIMA KASIH ATAS KOMENTAR ANDA''

''Tassilalo Ta'rapiki T'awwa, Sipakainga Lino Lattu Akhira''